Aeroporti i Basel-Mulhouse është evakuuar të premten dhe fluturimet u pezulluan pas kërcënimeve për bombë, shkruan Politico.
“EuroAirport”, që gjendet mes Baselit (Zvicër), Mulhouseit (Francë) dhe Freiburgut (Gjermani), u evakuua pas kërcënimeve për bombë, në prag të hapjes së Lojërave Olimpike në Paris.
Franca është në gatishmëri të lartë për kërcënimet e sigurisë.
Pas disa orëve, autoritetet kanë thënë se aeroporti ka rifilluar fluturimet gradualisht.
Të premten në mëngjes, mijëra udhëtarë u goditën nga vonesat dhe anulimet e trenave pasi autoritetet franceze konstatuan se ishin “sulme të koordinuara me qëllim të keq”.
NDIQE LIVE "PANORAMA TV" © Panorama.al