Presidenti i vendit, Ilir Meta ka reaguar pas deklarates se forte te Christian Schmidt, njëres nga figurat kryesore të CDU/CSU në Bundestagun gjerman, si dhe raporter për Shqipërinë në Grupin Parlamentar CDU/CSU, i cili ka apeluar qe qeveria shqiptare të mos bëjë veprime të njëanshme me ndryshimin e kushtetutës dhe heqjen e të drejtës për koalicione parazgjedhore.
“Koha për t’i dëgjuar avokatët më seriozë dhe më të besueshëm për të ardhmen europiane të Shqipërisë!”- thekson kreu i shtetit, Ilir Meta.
Zyrtari i lartë në Bundestagun gjerman: Jo ndryshime në Kushtetutë pa konsensues me opozitën jashtë Parlamentit
Duke iu referuar marrëveshjes së arritur më 5 qershor, mes partive politike, ish-ministri në qeverinë e kancelares Merkel, e konsideron këtë pakt një sukses të madh që forcon demokracinë në Shqipëri.
Në postimin e tij në Facebook, Schmidt shkruan ndër të tjera se “Partia Socialiste po tenton ndryshime jashtë marrëveshjes: heqjen nga Kushtetuta të së drejtës për koalicione parazgjedhore. “Për të favorizuar vetveten?”.
“Me shqetësim të madh po shoh se Partia Socialiste po tenton ndryshime të tjera jashtë marrëveshjes: konkretisht po tenton heqjen nga Kushtetuta të së drejtës për koalicione parazgjedhore. Për të favorizuar vetveten?
Bëni kujdes! Ndryshime të tjera bëhen vetëm, nëse partitë e rëndësishme brenda dhe jashtë parlamentit bien dakord për to.
Jam i bindur se kryeministri Rama, i cili është edhe kryetar i radhës së OSBE-së, do ta mbrojë frymën e marrëveshjes së 5 qershorit mes të gjitha partive. Besimi reciprok është i domosdoshëm!”- shkruan raporteri i CDU/CSU për Shqipërinë në Bundestag.
Më herët edhe Komisioneri për Zgjerimin Oliver Varhelyi dhe SHBA i kërkuan qeverisë të mos tentojë ndryshimet kushtetuese, pa gjithëpërfshirjen dhe konsensusin e opozitës.
NDIQE LIVE "PANORAMA TV" © Panorama.al
