Një atentat mafioz ka ndodhur mëngjesin e sotëm (2 korrik) në Neo Psychiko, në Greqi, ku një person cili udhëtonte me motoçikletë ka vrarë me armë zjarri një burrë jashtë ambienteve të punës së tij, teksa ndodhej në makinën tip BMW.
Sipas informacioneve nga mediat greke, viktima i identidikuar si shtetasi me iniciale P.X.S., është me profesion inxhinier topograf.
Ngjarja e rëndë mësohet se ka ndodhur në kryqëzimin e rrugëve Kreta dhe 25 Marsi, ndërsa në vendngjarje sipas Kathimerini, janë gjetur dhjetëra gëzhoja, ndërsa thuhet se ndaj viktimës është qëlluar mbi 10 herë.
Sipas informacioneve, viktima, 54 vjeç, është vrarë jashtë një biznesi të cilin e kishte në pronësi të përbashkët me një person tjetër, e specializuar në “inxhinierinë dhe aktivitetet e konsulencës teknike.
Autoritetet janë thirrur në vendngjarje në orën 8.30 të mëngjesit nga ortaki i tij, i cili kishte dhe makinën në pronësi.
Të dy biznesmenët, si viktima dhe ortaku i tij, nuk kanë precedentë penalë.
Sipas informacioneve, viktima paraprakisht kishte denoncuar tek autoritetet se ishte rrahu, por nuk kishte treguar apo dhënë emra për autorët.
