Nga Angron Gjekmarkaj
Sot e gjithë Bota u zgjua në ankth. Ish Presidenti amerikan Donald Tramp dhe njëkohësisht favorit kryesor per zgjedhjet e nëntorit në SHBA, u qëllua me snajper nga një atentator 20 vjeçar. Një ngjarje e tillë në vendin simbol të demokracisë ka shumë lexime e lë shumë lëndime.
Një djalë i ri me karakteristikë themelore urrejtjen u bë vetë viktima e saj por njëkohësisht, rrezikoi jetën e ish Presidentit, dhe provokoi ekuilibrat në fushatën elektorale amerikane duke hapur debate e shtuar pikëpyetje!
Por bashkëkohësia politike duhet të mësojë diçka nga e gjitha kjo.
Donald Tramp po demonizohet nga media, nga gjykatat, nga artistë e intelektualë pranë së majtës e fondacionit Soros në Amerikë.
Në përgjithësi në shumë vende, vitet e fundit edhe në Europë, vihet re një braktisje e “kalorësisë” politike e cila ka për qëllim kalkulimin politik dhe pushtetin.
Betejat politike po marrin tone shumë të ashpra radikalizimi. Atentati është dëshmi e tij. Telefonata solidarizuese e Presidentit Biden, lutja e tij për shërim të shpejtë, demostrim i madhështisë së Amerikes! Po kaq dënimi me forcë nga ish Presidenti Obama e Zv.Presidentja Kamala Harris. Me sa shihet propaganda e urrejtjes gjen tokë pjellore dhe ja del në shpërlarjen e trurit duke prodhuar vrasës e destabilitet, duke provokuar sistemin demokratik.
Muaj më parë në një manifestim paqësor të PD një qytetar goditi me grusht Sali Berishen, ish President, ish Kryeministër dhe Kryetar i Opozitës. Disa morën anën e agresorit dhe jo të viktimës. Nuk e di nëse e telefonoi njeri Sali Berishën?!
Qytetarve të tillë më pas u gjinden sëmundje mendore, quhen të çmendur dhe janë të tillë , edhe kur nuk janë, por duhet shkuar në origjinë !
Pyetja është nga ata ushqehen shpirtërisht e mendërisht dhe pse mendojnë se po kryejnë “një të mirë” publike, pse po vetëofrohen si “heronj”?!Si ju lind guximi?
Lehtesia me të cilen politika , media apo segmente të drejtësisë bëhen palë sulmojnë kundërshtarët , si “armiq”si e “keqe absolute” po krijon monstra duke vënë në rrezik jo thjesht rëndin publik po shumë më tepër se aq.
Kriminelet që kanë per idhuj politikanë me gjuhe të ndezur , gjyqtare, artiste që përkufizojnë si djall atë qe se duan , që duan ta shkatërrojnë njerzisht që të përfitojnë politikisht apo i pengon në planet e veta besojnë se po plotësojnë dëshirat e tyre dhe marrin lavdi historike!!
Akti i rëndë e tragjik që ndodhi në Amerikë me gjasë do shënjojë mënyrën e sjelljes kudo , do ti nxisë në reflektim. Sot lidershipi i Botes reagoi në unison.
Kjo duhet të ndodhe edhe tek ne ku një themelues i Opozites Azem Hajdari u vra para selise së PD në vitin 1997 , ku një tjetër goditet egërsisht e ku gjuha demonizuese mbretëron sovrane!
Kriminelet në Shqiperi janë aktiv per hesap të tyre shto edhe të indoktrinuarit çfarë mishele të rrezikshme krijojnë. Rastet i kemi reflektimin jo. Fati u tregua zemergjegje me Donal Tramp pse jo edhe me Amerikën e qyteterimin perëndimor por nuk duhet të jemi në mëshirën e fatit por te mekanizmit të arsyes që nuk e demonizon kundërshtarin duke e shndërruar atë në tabele qitjeje!!
NDIQE LIVE "PANORAMA TV" © Panorama.al
