Avokati i VIP-ave dhe i kompanive të huaja në Shqipëri, Egli Haxhiraj, më herët bëri të ditur në rrjetet e tij sociale nënshkrimin e marrëveshjes së blerjes së Universitetit Wisdom të Tiranës nga ana e kompanisë Italiane “Cs Uniforma” me aksionar Savino Cianci dhe Lucia Catalano.
Lajmi beri jehonë edhe në mediat Italiane prestigjioze si “Il Sole 24 Ore” dhe “La Repubblica”, të cilat e cilësuan një arritje të madhe praninë e një Universiteti italian në Shqipëri.
Me këtë operacion, investitorët Italianë, Savino Cianci dhe Lucia Catalano propozojnë të rrisin standardin akademik Shqiptar, duke e përshtatur atë me atë Europian, për të lejuar studentët të marrin një diplomë të dyfishtë, të njohur si në Itali dhe në Shqipëri, dhe për të aktivizuar një shërbim mësimor online të disponueshëm në tri gjuhë (italisht, shqip dhe anglisht). Haxhiraj thotë se tashmë ka filluar puna për ndërtimin e Kampusit të ri Universitar, i cili do të përfshijë një mensë, një hapësirë shoqëruese dhe një zonë të përdorur si palestër.
Mbyllja e ndërtimit dhe inaugurimi është planifikuar për në muajin shtator 2021, kur do të fillojë viti i ri akademik. Universiteti, i cili mbulon një sipërfaqe prej 5 mijë metra katrorë, do të jetë në gjendje të strehojë deri në 1,500 studentë nga e gjithë bota, duke u siguruar atyre ushqim, akomodim dhe një seri shërbimesh shtesë për të inkurajuar socializimin dhe jetën në komunitet. Plani i modernizimit dhe zhvillimit, i parashikuar për Universitetin Wisdom përfshin gjithashtu një azhurnim të mësimdhënies, për të përshtatur ofertën e trajnimit me standardet më moderne dhe të përparuara akademike.
Ky model ka për qëllim të transmetojë njohuri dhe të përgatisë të rinjtë për të vepruar si subjekte të vetëdijshëm për rëndësinë e rolit të tyre: atë të nxitësve të rritjes kulturore të vendit. Përurimi i selisë së re do të jetë pika fillestare e një rruge që do tA çojë Universitetin Wisdom të bëhet një nga universitetet me një standard arsimor europian. Universiteti ka ofruar kurse të diplomave Bachelor në Ekonomi, Drejtësi dhe Psikologji që nga viti 2006, së bashku me disa kurse Master dy-vjeçare. Projekti i ri parashikon akreditimin e një fakulteti të ri të përqendruar në profesionet shëndetësore, kualifikimin e mësimdhënies dhe specializimet mbështetëse të mësimdhënies.
Pikat e forta të Universitetit të ri do të jenë laboratorët, bibliotekat, një staf mësimor i qëndrueshëm dhe kompetent, shërbimet e pritjes, mundësitë e studimit jashtë vendit, praktikat e trajnimit (gjithashtu në Itali). Falë njohurive të marra ndër vite “CS Uniforma” është specializuar në trajnime për mijëra studentë dhe ka zhvilluar marrëveshje bashkëpunimi me universitete të shumta italiane dhe të huaja. Universiteti Wisdom ka krijuar tre fondacione të rëndësishme që veprojnë në territorin kombëtar: Instituti i Kërkimit dhe Zhvillimit i themeluar në vitin 2008, i cili propozon t’u ofrojë studentëve një arsim cilësor duke zhvilluar një ndërgjegjësim më të madh brenda shoqërisë shqiptare, Klinika Ligjore me qendër në Tiranë dhe Klinika Psikologjike Wisdom, e cila merret me, ndër të tjera të organizimi e seminareve dhe “workshop”-ëve për Studentët e Universitetit.
Avokati Egli Haxhiraj shprehet se së bashku me investitorët Savino Cianci dhe Lucia Catalano dhe partnerët Institucional Shqiptar e Italian kanë nisur një iniciativë ambicioze që do të sjellë standardet europiane të mësimdhënies online në fushën akademike shqiptare.
