Bebe Rexha dhe familja e saj vendosën që këtë vit, Ditën e Pavarësisë ta festojnë me këngë shqiptare e me flamuj kuq e zi, duke dalë nëpër rrugët e New York-ut bashkë me disa bashkëkombës.
Por, duket se festa në shtëpinë e këngëtares me famë botërore vazhdon ende.
Së fundmi, Bebe ka ndarë në Instastory disa video nga shtëpia e saj, në të cilat shihet duke kërcyer me të afërmit e saj, ndërkohë që në sfond janë këngë tradicionale shqiptare.
Familjarët e saj janë kapur për dore duke ia marrë valles për të festuar të gjithë së bashku.
Bebe Rexha e ka treguar gjithmonë origjinën e saj shqiptare, me anë të postimeve të ndryshme në rrjete sociale, ku ka treguar se edhe e ftuar në emisione të caktuara ka folur shqip.
Më 17 dhjetor, Bebe do të mbajë një koncert akustik online, i cili do të titullohet “Një natë me Bebe Rexhën”.