Ka qenë një moment shpërqendrimi ajo që ka bërë që të rrjedhin disa prej mesazheve në rrjetin social “Whatsapp” midis tij dhe kryeministrit Edi Rama.
Bëhet fjalë për ambasadorin e Bashkimit Evropian në Tiranë, Luigi Soreca, i cili me sa duket ka harruar se mbrapa tij në sallën e Kryeministrisë ishin kamerat e televizioneve, ndërsa prezantohej progres-raporti për hapjen e negociatave.
Ai hap në një moment bisedat me kryeministrin e Shqipërisë dhe kaq ka mjaftuar që ABC News të fokusojë disa prej mesazheve.
Rama i shkruan në anglisht ambasadorit, ndërsa ai i përgjigjet në italisht, vendi i tij i origjinës.
Bëhet fjalë për një bisedë të zhvilluar pak ditë më parë dhe është Rama ai që i dërgon një raport të situatës nga i cili zbulohet një fjali ku thuhet se:
“Basha do të humbiste mbështetjen e ndjekësve të tij më të fortë”.
Më pas Rama përmend kreun e Partisë Republikane Fatmir Mediu që nuk kuptohet ku ka kërkuar të shtyhen zgjedhjet lokale me 6 muaj.
Mesazhi i Ramës: Mediu u ndal në lidhjet ndërmjet Ramës dhe krimit të organizuar dhe korrupsionit: e vetmja mënyrë për të pasur zgjedhje të lira dhe të ndershme ishte që të shtynin zgjedhjet (me gjashtë muaj) dhe të fokusoheshin në kushtetutë.
Soreca: Çmendur!.
Rama: E pe?
Soreca: Po, e pabesueshme!
Në bisedë thuhet se Mediu i ka deklaruar OSBE-së se sulmi ndaj rezidencës se Borchard ishte i papranueshëm por se bëri PD, por LSI.
Në telefonin e këtij të fundit më pas është një mesazh i ditës së mërkurë ku ai e uron Ramën për vendimin e Komisionit Evropian që rekomandoi çeljen e negociatave.
NDIQE LIVE "PANORAMA TV" © Panorama.al
