Amarda Toska ka treguar ditën e djeshme disa detaje mjaft interesante nga jeta e saj.
E ftuar në “Pardon my French”, moderatorja tregoi se që në fëmijëri e ka pasur shumë qejf baletin, por nuk e kishte menduar se një ditë do të bëhej pjesë e televizionit.
Amarda tha se rrugëtimi i saj në “Portokalli” ka nisur krejt rastësisht dhe se aty u njoh edhe me Ermalin.
“Ermali shumë energjik, nuk është kursyer”,- u shpreh ajo për bashkëshortin.
Ermal Mamaqi ka eksploruar në fusha të ndryshme, si aktor, moderator, regjisor filmi, apo influencues.
Por a e ka ftuar ndonjëherë aktori partnerene tij që të jetë pjesë e ndonjë filmi?
“Me thënë të drejtën më ka propozuar të jem pjesë tek një nga filmat e tij, por nuk pranova. Bëhet fjalë për një rol episodik dhe nuk mendoj se isha e përshtatshme”,- zbuloi Amarda.
Mirëpo, përveç moderatores, edhe një tjetër pjesëtar i familjes ka refuzuar të marrë pjesë në veprat artistike të Ermalit.
Bëhët fjalë pikërisht për djalin e çiftit, Joelin.
“Ndodhi diçka në lidhje me serialin. Duke qenë se Joeli ka qejf të jetë pjesë e këtyre stafeve, Ermali donte ta përfshinte. Roli nuk është ashtu si Joeli ka temperamentin me hedhje, me personazhe, por është pak i ndjerë dhe melankolik. E lexoi skenarin dhe tha ‘jo’ nuk është për mua”, – tha Toska.
Aktualisht, Ermali po xhiron serialin e tij më të ri, të titulluar “H.O.T”, që pritet të publikohet brenda pak muajve.
Në të kanë marrë pjesë shumë personazhe të njohur, si Jonida Vokshi, Megi Pojani, Klea Huta, Ana Likam Kastriot Çaushi, Monik Lubonja, Amos Zaharia etj.
Ami nga ana tjetër, pas një mungese relativisht të gjatë në ekran, duket se do të rikthehet së shpejti, në sezonin e ri që nis në shtator.
