Elvana Gjata ka publikuar këngën e saj të re me titull “Thirr”, ku ditën e 34-vjetorit ajo u shfaq zemërthyer dhe e vetmuar me një gotë verë ndërsa i këndon ndarjes.
Ndërkohë, ndjekësit e saj besnikë kanë sjellë fakte që lidhen me jetën private të artistes, duke u shprehur se kënga e re e Elvanës që e ka shkruar vetë, ka nota autobiografike.
Në vargjet e këngës të shkruara nga vetë ajo, këngëtarja flet për historinë e dhimbshme të dashurisë, për një person që Elvana e ka thirrur, e ka pritur, por që ai s’e ka dashur kurrë. Në klip, ajo shihet e vetmuar teksa pret me një gotë verë të kuqe pranë zjarrit.
Nën titullin “Thirr”, në bashkëpunim me Darko Dimitrov, këngëtarja tregoi se nuk ka ndërmend t’u largohet baladave, kësaj here me një histori dashurie që ka mbaruar. E, me sa, duket Elvana do ta kthejë në traditë publikimin e këngëve për ditëlindje, pasi 3 vite më parë ajo festoi me prezantimin e një albumi shumë të veçantë në bashkëpunim me Pirro Çakon.
Por le të kthehemi te “Thirr” dhe “zjarri” i shuar në shpirt e mesazhi i koduar që këngëtarja sjell me këtë këngë. Kënga mban vulën e Dimitrov, ndërkohë që teksti dhe melodia janë të shkruara nga vetë këngëtarja, gjë që i dha akoma dhe më shumë nota melankolie e ndjeshmërie.
Për klipin, Elvana ishte treguar minimaliste, duke publikuar vetëm një “lyrics video”, ku shfaqej e vetme pranë një gote vere. Në fund të videos shkruhej: “Loading” dhe më pas shfaqej data “03.2021”.
Në formatet e shkrimit të datave, në fakt shkruhen gjithmonë ose muaji dhe viti, ose dita dhe muaji ose të treja bashkë, gjë që na bën të dyshojmë se “Thirr” nuk do të jetë projekti i fundit i Elvanës për këtë vit.
Nga ajo që shkruhet në klip, duket se në muajin mars këngëtarja ka rezervuar të tjera surpriza dhe zërat se ajo është në përgatitje të një koncerti recital dhe albumi sa vijnë dhe bëhen më të besueshme. Ajo që na mbetet që të bëjmë është të presim muajin mars dhe të shohim çfarë do të sjellë për ne Elvana Gjata.
Ndërkohë, në vargjet e “Thirr” shkruhet:
Tkom thirr, Sa zoni m’u ngjir, T’kom prit
/ Sa shpirti m’u mpi
/Se bota ime s’bën për ty
/Bota ime e madhe për ty
/Jeta ime, është shumë për ty
/Se vetëm të kam dasht
/E nga ty kurrë nuk pashë
/Asnjë shenjë, asnjë shenjë, asnjë shenjë…..jeten s’e pashë
/ Unë skam lind me ty
/Pse s’e kupton Ti, o njeri me fat
/Pse s’e shikon
/Se bota ime s’bën për ty
/Bota ime e madhe për ty
/Jeta ime është shumë për ty
/Se vetëm të kam dasht.
ELVANA DHE ERVINI/ THASHETHEMET QË PO ZIEJNË NË RRETHIN E ARTISTËVE PËR ÇËSHTJEN E FEJESËS ME ISH-SHOKUN E SHKOLLËS
Elvana Gjata ishte shkëputur nga muzika për pak kohë dhe “Thirr” ishte rikthimi që ajo bëri, ndërkohë që kohët e fundit e kemi parë herë pas here të distancuar dhe nga rrjetet sociale.
Në vjeshtën që lamë pas, autorja e këngës “Me tana” na surprizoi duke thyer heshtjen për të postuar disa foto në “Instagram”. Elvana mori vëmendje teksa pozonte e veshur me bikini dhe atlete, duke vënë në pah linjat e trupit, për të cilat duket se kishte punuar shumë këto kohë.
Për atë rikthim në “Instagram”, por ende në muzikë, nuk munguan dhe komentet e shumta nga fansat e saj, të cilët i bënin pyetje të ndryshme, pasi ishin bërë kuriozë për jetën e saj porivate, ç’po ndodhte me fejesën.
Duke u nisur dhe nga hiti “A m’don”, nuk munguan edhe komentet apo dyshimet në lidhje me jetën e saj private dhe si po shkonte historia e saj me biznesmenin Ervin Mata.
Burime pranë çiftit treguan në privatësi se në fakt ata mund t’i kishin dhënë fund fejesës 2- vjeçare, një ndarje që u përpoqën ta mbanin të fshehtë, e që tani po komentohet sërish pas publikimit të këngës “Thirr”.
Kjo ishte edhe arsyeja pse Elvana stopoi jetën muzikore dhe u fol se po punonte me Deejay-n me famë botërore, Mahmut Orhan. Dyshimet për duetin lindën pasi ky i fundit publikoi disa foto, që ishin shkrepur në po të njëjtin vend ku dhe Elvana kishte realizuar disa fotografi.
Ndërkohë, fansat e saj pyesnin se ç’po ndodhte me jetën private të Elvana Gjatës, e cila që nga zhurma e madhe në dhjetorin e vitit që lamë pas, pasi nuk fitoi festivalin, zhdukej nga rrjetet sociale. Pasi bëri pauzë duke ngrirë “Instagram”-in e saj, ajo u rikthye në vjeshtën e 2020 me ndonjë set fotosh dhe ndonjë mesazh publik, siç ishte seti ku shfaqej në stilin e viteve ’90-të.
Shumë prej fansave ngritën dyshime për jetën e saj private që vitin e kaluar, nisur nga disa lajme që po qarkullonin në rrethin e artistëve se ajo mund t’i kishte dhënë fund fejesës me Ervin Matën. Edhe këtë herë ajo heshti, ndërkohë që la të kuptohej se gjatë karantinës po punonte për një projekt të ri, duke vazhduar rrugën e saj drejt suksesit ndërkombëtar.
Pas largimit e zhgënjyer nga skena e Festivalit të RTSH-së, ku zuri vendin e dytë, ajo zbuloi projektin me të cilin po merrej. Elvana po përgatitej për të sjellë këngën “One in a billion”, me producentin e famshëm Poo Bear. Lajmi u bë publik nga këngëarja, e cila bëri repost postmin e producentit, ku shkruhej: “One in a billion .. Të fokusuar në pasionin tonë. E mrekullueshme të punosh me ty, Elvana!”.
E ndërkohë që u bë e gjallë në rrjetet sociale, në jetën reale Elvana kishte kohë që mungonte. Madje, mungesa e saj u vu re edhe në premierën e filmit “I love Tropoja” të mikut të saj, Ermal Mamaqi. Mes shumë të ftuarve VIP ra në sy mungesa e ish-partneres së tij në filmin “Dy gisht mjaltë”.
Po pse po flitet në rrethin e artistëve për çështjen e fejesës së Elvanës me Ervinin, ish-shokun e shkollës?
Para tre vitesh, Elvana Gjata promovoi albumin e saj me Pirro Çakon, që u konsiderua edhe nata speciale me të ftuar VIP, ku ajo miqtë e saj i prezantoi me të fejuarin, pikërisht Ervin Matën.
Pas eksperiencës dhe punës me emra të mëdhenj të produksionit amerikan të muzikës, këngëtarja Elvana Gjata u rikthye në Tiranë tri vite më parë për të kënduar në mbrëmje në një nga hotelet me emër të kryeqytetit. Artistja kishte përgatitur gjithçka për këtë koncert intim me 120 të ftuar, pikërisht në ditëlindjen e saj të 31-të.
Gjatë koncertit u mbështet në performancat e saj dhe nga kantautori Pirro Çako. Në mbrëmjen “high class” ra në sy prania e të fejuarit të saj dhe prindërve të tij. Kështu, artistja zyrtarizoi lidhjen e saj dyvjeçare në fshehtësi me një djalë të njohur në Tiranë për jetën e tij të shtrenjtë që bën dhe për biznesin e tij, pasi ka në pronësi një hotel të njohur.
Lidhja e tyre ishte bërë edhe familjare, pasi Elvana konsiderohej si nusja në familjen e tij. Në atë periudhë, këngëtarja investoi në biznesin e fustaneve “Altar”, që shumë shpejt e shiti për t’iu përkushtuar karrierës. Ndërsa në një intervistë për Ermal Mamaqin, nga shtëpia e saj luksoze në Tiranë, rrëfeu se ndihej me shumë fat me partnerin e saj, të cilin e kishte pasur shok shkolle, por që më vonë erdhën situatat që të dashuroheshin dhe të fejoheshin.
Por, duket se pas katër vitesh lidhje në fshehtësi dhe tri vite fejesë, po qarkullojnë thashetheme të ndryshme rreth prishjes së fejesës, të cilat Elvana i ka ndezur edhe më shumë me këngën e saj të fundit “Thirr”, ku i këndon ndarjes së dhimbshme.
/Panoramaplus.al
