Është arrestuar një 69-vjeçar, i cili raportohet se ka goditur me kmesë një të ri pas një konflikti të çastit mes tyre.
Ngjarja ka ndodhur mbrëmjen e së dielës (14 korrik) rreth orës 21:30 në fshatin Vukpalaj, ku i arrestuari goditi me mjetin prerës 29-vjeçarin.
I riu me iniciale A. P., banues në fshatin Vukpalaj, ndodhet jashtë rrezikut për jetën.
Njoftimi i policisë:
Plagosi me mjet prerës (kmesë), një shtetas, për motive të dobëta, kapet dhe vihet në pranga 69-vjeçari.
Shërbimet e Komisariatit të Policisë Malësi e Madhe, menjëherë pas marrjes së njoftimit mbrëmjen e djeshme, se ishte plagosur me mjet prerës, një shtetas, kanë organizuar punën për kapjen e autorit dhe sqarimin e rrethanave të rastit. Si rezultat i kërkimeve, u bë e mundur kapja dhe arrestimi në flagrancë i autorit të dyshuar, shtetasit:
Gj. P., 69 vjeç, banues në fshatin Vukpalaj.
Ky shtetas dyshohet se më datë 14.07.2024, rreth orës 21:30, në fshatin Vukpalaj, pas një konflikti të çastit, për motive të dobëta, ka goditur me mjet prerës (kmesë), shtetasin A. P., 29 vjeç, banues në fshatin Vukpalaj, i cili është jashtë rrezikut për jetën.
Mjeti prerës (kmesë) u sekuestrua në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
NDIQE LIVE "PANORAMA TV" © Panorama.al
