Moderatorja Erjola Doçi ka zbuluar se i ka dhënë fund lidhjes me partnerin, pasi vendosi në plan të parë karrierën e saj.
Ajo rrëfeu se pavarësisht se i ka dhënë fund marrëdhënies së saj, është e lumtur.
Prezantuesja u shpreh se s’mund të fokusohej tek lidhja dhe karriera e saj, duke shtuar se “është e vështirë të ndahesh më dysh”.
“Nuk jam e lidhur. Jam e lumtur dhe e ndarë sepse nuk mund ti bësh të dyja. Është shumë e vështirë, sepse unë e dua shumë punën, por edhe personin që do të kisha në krah. Është e vështirë të ndahesh më dysh. Nëse do të isha në një zonë komforti me karrierën dhe ambicien time për të ecur përpara normalisht do të kisha si dikë në krah, por tani e shoh si barrierë”, tha moderatorja.
Eriola Doçi u shpreh se personi që ka pasur në krah ka qenë një personazh publik që e njohin të gjithë, por pa zbuluar më shumë detaje.
“Dhe jam me moton që duhet të dashurohesh disa herë, po me të njëjtin person. Po të arrij në atë pikë, do të ishte shumë bukur. Nuk mund të them që s’kam pasur personazh publik në jetën time, por jam munduar që ta ruaj shumë sa të mos dalë. E njohin të gjithë, fatkeqësisht po”, tregoi prezantuesja.
NDIQE LIVE "PANORAMA TV" © Panorama.al