Aktorja shqiptare, Zhaklina Dhimojani përmes disa fotove që ka postuar në rrjetet sociale ka ndarë lajmin se një ndihmë po vjen drejt Shqipërisë nga Zvicra.
Bëhet fjalë për krevatë, komodina dhe materiale të tjera që do të përdoren nga Ministria e Shëndetësisë për situatën e COVID-19. Por, edhe një autoambulancë, autotransporte për persona me aftësi të kufizuar, dy minibusë dhe dy autransporte e 50 laptopë.
Vec këtyre, për Ministrinë e Mbrojtjes do të vijnë edhe 2 zjarrëfikëse moderne që do të përdoren për emergjenca.
Postimi i Zhaklina Dhimojani Blättler
Të dashur miq, jam e lumtur të ndaj me ju një lajm të mirë.
Sot nisem nga Berna/Zvicra një karvan me ndihma që konsistojnë në krevate, komodina dhe inventarë të ndryshëm që do të përdoren nga Ministria e Shëndetësisë dhe Mirëqenies Sociale për situatën emergjente të COVID-19. Gjithashtu, për këtë ministri shkojnë edhe 1 autoambulancë, 1 autotransporter për persona me aftësi të kufizuara, 2 minibusë/ dhe 2 autotransporter, 50 laptopë.
Këtij karvani i bashkohen edhe 2 zjarrfikëse me destinacion Ministrinë e Mbrojtjes, të cilat do të përdoren gjatë emergjencave.
