Nuk kanë fund telashet për reperin Kleviol Ahmeti, ose siç njihet me emrin e artit Cllevio.
Ai është vënë nën hetim nga prokuroria pas videos së publikuar në rrjete sociale ku ai shfaqet duke rrahur qenin e tij.
Në një njoftim për mediat, policia bën të ditur se jane referuar materialet në ngarkim të shtetasit K.A.
Ky i fundit ka thyer edhe masën e sigurisë arrest shtëpie, ku më herët rezulton se është arrestuar për lëndë narkotike dhe mbajtja e armëve të ftohta.
Njoftimi i policisë:
Në lidhje me një video të postuar në rrjetet sociale, në të cilën shfaqet një shtetas, në ambientet e banesës, duke keqtrajtuar një kafshë shtëpiake (qen), ju sqarojmë se:
Specialistët për Hetimin e Krimeve të Komisariatit të Policisë Lushnjë, pas publikimit të pamjeve filmike, referuan materialet në Prokurori në ngarkim të shtetasit K. A., 36 vjeç, banues në Lushnjë, për veprën penale “Keqtrajtimi i kafshës”.
36-vjeçari është aktualisht me masë sigurie “Arrest në shtëpi”, të caktuar nga Gjykata e Rrethit Gjyqësor Lushnjë, për veprat penale “Largimi i të burgosurit nga vendi i qëndrimit”, “Prodhimi dhe shitja e lëndëve narkotike” dhe “Mbajtja pa leje e armëve të ftohta”.
NDIQE LIVE "PANORAMA TV" © Panorama.al
