Një furgon që transportonte nxënës është aksidentuar në Bulqizë.
Foto nga vendngjarja
Sipas burimeve, drejtuesi i mjetit ka humbur kontrollin dhe për pasojë ka dalë nga rruga.
Bëhet e ditur se si pasojë e aksidentit janë plagosur 5 nxënës dhe shoferi i furgonit, të cilët ndodhen në spital, nën kujdesin e mjekëve.
Mësohet gjithashtu se furgoni gjatë momentit të aksidentit ishte duke dërguar nxënësit në një minierë në Bulqizë, për të kryerë praktikë.
Ndërkohë po punohet për zbardhjen e plotë të ngjarjes.
Njoftimi i policisë:
Rreth orës 15:20, në aksin rrugor rural që lidh qytetin e Bulqizës me zonën e antenave, shtetasi Xh. S., duke drejtuar automjetin (furgon), ka humbur kontrollin mbi drejtimin e automjetit dhe automjeti ka dalë nga rruga.
Për pasojë, kanë mbetur të dëmtuar, jashtë rrezikut për jetën, drejtuesi i automjetit, shtetasi Xh. S., si dhe shtetasit E. P., A. C., Xh. P., E. D. dhe B. V. (pasagjerë në këtë furgon).
Në vendngjarje ndodhet grupi hetimor, i cili po punon për zbardhjen e rrethanave të këtij aksidenti.
NDIQE LIVE "PANORAMA TV" © Panorama.al
