Dy kandidatet per ambasadore ne OSBE dhe KiE, Igli Hasani dhe Albana Dautllari kane dale sot ne Komisionin e Jashtem per te zhvilluar nje seance degjimore me deputetet, perpara se ti dekretoje Presidenti Meta.
Kreu i diplomacisë ka propozuar Igli Hasanin si kandidat për ambasador në misionin e përhershëm pranë Organizatës për Siguri, Bashkëpunim në Europë, OSBE dhe organizatat e tjera ndërkombëtare në Vjenë. Hasani do të zëvendësojë në këtë detyrë të ngarkuarën me punë, Ravesa Lleshi, shkruan “Panorama”.
Kjo e fundit nuk u dekretua nga Presidenti Bujar Nishani në dhjetor të vitit 2015. Ravesa Lleshi ka qenë këshilltarja e ministrit Bushati dhe ajo u propozua si ambasadore në vend të Spiro Koçit, diplomat karrierë dhe prej shumë vitesh përfaqësonte Shqipërinë në OSBE.
Ndërkohë që kandidatura tjetër është Albana Dautllari, e propozuar si ambasadore në krye të misionit të përhershëm të Shqipërisë pranë Këshillit të Europës, në Strasburg. Dautllari do të zëvendësojë në këtë detyrë Adriana Hobdarin, e cila është emëruar si ambasadore në Greqi.
NDIQE LIVE "PANORAMA TV" © Panorama.al
