Masivi pyjor i fshatit Lajthiz në Njësinë Administrative të Oroshit, në Mirditë, është përfshirë nga flakët e zjarrit këtë të enjte.
Vatra e zjarrit është shfaqur në orët e drekës dhe vijon të jetë aktive në një sipërfaqe të konsiderueshme me pisha. Të favorizuara dhe nga era, flakët po përhapen me shpejtësi.
Në terren ndodhen zjarrfikësit dhe punonjësit e shërbimit pyjor, të cilët po punojnë për neutralizimin e flakëve.
Aktualisht bëhet me dije se zjarri nuk përbën rrezik për zonën e banuar.
NDIQE LIVE "PANORAMA TV" © Panorama.al