I penduari i drejtësisë, Nuredin Dumani u shoqërua ditën e sotme (30 maj) në Gjykatën kundër Korrupsionit dhe Krimit të Organizuar.
Ai do të dëshmonte në procesin gjyqësor ndaj Altin Ndocit, Klevis Allës, Besian Xhixhës e Enver Divës, të akuzuar për vrasjen e vëllezerve Viktor e Besmir Haxhia, si dhe Dorian Shkozës e Anxhelo Avdisë në vitin 2020 në Durrës.
Por dhënia e dëshmisë së tij është shtyrë pasi avokatët Besian Xhixhës dhe Enver Divës, kërkuan të njihen me deklarimet e ushtarit të Dumanit, Henrik Hoxhajt gjatë seancës së sotme, raporton gazetari Ervin Leka.
Në procesin gjyqësor ishte edhe i penduari tjetër i drejtësisë Klevis Alla. Dëshmitë e Nuredin Dumanit dhe Klevis Allës të dhënë para hetuesve kanë qenë kontradiktore. Seanca po do të zhvillohet me dyer te mbyllura.
Lexoni edhe: Vrasja e vëllezërve Haxhia/ Nuredin Dumani dhe Klevis Alla dëshmi kontradiktore para hetuesve
NDIQE LIVE "PANORAMA TV" © Panorama.al
