Sopranoja e mirënjohur, Inva Mula ka reaguar pas publikimit në mediat në Kosovë se ajo është ndarë nga bashkëshorti Ethem Ramadani.
Në një postim të fundit në profilin e saj në Facebook, Mula ka publikuar një foto me Ramadanin ku shfaqen duke qeshur.
Komentuesit u kanë uruar atyre jetë të gjatë në çift, ku mes urimeve nuk ka munaguar as ai i Sadije Berishës.
Lajmi për ndarjen e çiftit u raportua nga “Telegrafi” se pas disa vitesh së bashku, raportet mes tyre ishin ftohur duke çuar deri në divorc.
Inva dhe Ethemi, nga martesa e tyre, kanë një vajzë, që quhet Nina, si emri i gjyshes së saj.
Kujtojmë se sopranoja ka qenë e martuar edhe me këngëtarin Pirro Çako, me të cilin ka një djalë.
