Kreu i Bashkisë së Kamzës, Xhelal Mziu ka reaguar për akuzën e bërë nga Erion Veliaj në një prononcim për “Panorama”.
Veliaj në një deklaratë për mediat u shpreh se, 1/3 e ujit të pijshëm që rrjedh nga Bovilla humbet teksa kalon nëpër zonën e Kamzës dhe të Paskuqanit. Për këtë arsye, ai i bëri thirrje kreut të Bashkisë Kamëz që të bashkëpunojë për të zgjidhur këtë problematikë.
Por, Mziu në reagimin e tij për “Panorama” thekson se kolegu i tij, që ai e quan “mashtrues të Tiranës”, nuk e njeh realitetin. Sipas kreut të Bashkisë Kamëz është bashkia e kryeqytetit që po vjedh prej saj dhe jo e kundërta.
Prononcimi për “Panorama” i Mziut:
“Eshte e qarte se nuk mund ta njohesh realitetin kur je 3 dite jashte e 1 dite ne pune. Kjo i ka ndodhur Veliajt i cili, edhe pse prej dy vitesh eshte ne krye te Bashkise se Tiranes, nuk njeh ende kufijte territoriale, edhe pse ndarja eshte bere me ishuj, kujtojme qytetaret e Zall Herrit duhet te kalojne neper Kamez per te shkuar ne qendren e Njesise Administrative Tirane, ndarje politike!
Drejtoria e UKT ku sot ka bere analizen kolegu mashtrues i Tiranes eshte ne territorin e Kamzes (qe brenda pranveres do merret nga Bashkia Kamez), por tubacioni qe kalon nga impianti i Bovilles drejt Tiranes menaxhohet nga UKT-ja e tij, pra nese ka abuzim apo vjedhje faj eshte i turistit me luksoz ne Shqiperi, kreut te Bashkise Tiranes. Sepse eshte nen menaxhimin e tij.
Ku e gjen kurajon kolegu mashtrues qe cdo dite merr nen mbrojtjen politike te qeverise:
-Territore padrejtesisht nga Kamza,
– Pyje nga Kamza.
– Qe merr funksione te deleguara nga qeveria qe duhet ti merrte Kamza por jane marre padrejtesisht nga Tirana si:
– Repartin e zjarrfikseve te Kamzes.
-Makinerite e financimin e Kullimit dhe Vaditjes qe i takonte Kamzes.
– Konviktin e shkolles mesme qe i takonte Kamzes.
– Fondin e Mirmbajtjes se rrugeve qe i takonte Kamzes
-Administrimin e pyjeve qe i takonte Kamzes.
Fakt eshte se Kamza ka aplikuar per 4 vite mbi 120 projekte tek qeveria, te refuzuara te gjitha, ndersa Bashkia e Tiranes ka marre 33,5 here me shume leke per fryme per banoret e Tiranes. A nuk jane njesoj banore, me te drejta te njejta si ne Kamez si ne Tirane? Kjo eshte e verteta. Veliaj ka kapur mediat dhe cdo mashtrim i tij behet lajm. Po realiteti qe prekin e njohin qytetaret nuk ndryshohet me propagande te rreme. Realiteti ndryshon duke u sherbyer njerezve, pavaresisht ku banojne, dhe per ke votojne.
NDIQE LIVE "PANORAMA TV" © Panorama.al
