Parashikuesi i Motit në BBC, Chris Fawkes vuri në dukje se sasi të mëdha dëbore priten në të gjithë Evropën. Si Spanja, ashtu edhe Madridi mund të presin më shumë borë pas Stuhisë Filomena.
Sidoqoftë, këto kushte dimri pritet të përhapen në të gjithë kontinentin. Lindja e Evropës do të ketë reshje të mëdha dëbore gjatë ditëve të ardhshme.
Pjesë të Skandinavisë do të përjetojnë gjithashtu temperatura të ngrirjes dhe reshje dëbore.
Fawkes tha: “Ne sapo kemi parë dëborën më të madhe për dekada për një pjesë të mëdha të Spanjës falë stuhisë Filomena”.
Ai theksoi gjithashtu se do të ketë reshje të mëdha dëbore edhe në zonat e Ballkanit.
“Dëborë nga 10-20 cm do të bien nëpër pjesë të Kroacisë, Bosnjës në Kosovë, Serbi dhe zonat veriore të Bullgarisë. Bora mund të shkaktojë ndërprerje të transportit për këto zona”, thotë ai.
BBC thoshte gjithashtu se moti i keq i Spanjës do të transferohet në Ballkan duke prekur Shqipërinë dhe Greqinë.
Megjithatë, deri më tani fqinji ynë juglindor po përjeton temperatura mbi normalet për periudhën e janarit në të paktën 50 vjet.
Greqia, sipas shërbimit meteorologjik vendas, pritet të jetë në mesin e vendeve të Mesdheut qendror e lindor që gjatë fundjavës mund të përjetojnë një mot të pazakontë të ngrohtë.
‘Pushtimi’ i masave të nxehta nga Afrika është në zhvillim që prej ditës së djeshme, duke rezultuar në temperatura shumë të larta për sezonin, kryesisht në pjesët qendrore dhe jugore të Greqisë.
Shumë njerëz kanë shkuar në plazhet e Atikës që nga mëngjesi i kësaj të diele dhe të tjerë kanë dalë për shëtitje.
Familjet morën fëmijët e tyre dhe biçikletat dhe dolën për të shijuar motin e mirë.
Shirat lokalë parashikohen në Egjeun perëndimor, qendror, verior dhe lindor.
Sidoqoftë, sipas të dhënave të parashikimit të Observatorit Kombëtar të Athinës, nga e marta masat e nxehta afrikane do të tërhiqen dhe do të zëvendësohen nga masa ajrore të ftohta nga Evropa Qendrore, e cila do të shkaktojë një rënie graduale të temperaturave.
NDIQE LIVE "PANORAMA TV" © Panorama.al
