Pamjet e reja tronditëse janë publikuar pak momente pas atentati ndaj Donald Trump, ku policia lokale dhe një agjent i Shërbimit Sekret shfaqen duke qëndruar mbi trupin e pajetë të personit që tentoi të vriste ish presidentin amerikan më 13 korrik.
Ata thonë se 20-vjeçari Thomas Matthew Crooks, ishte identifikuar si një person i dyshimtë përpara se të hapte zjarr.
Videoja e kamerës së trupit, e publikuar nga senatori i Iowa-s, Chuck Grassley, tregon trupin e pajetë të Crooks të mbuluar me gjak në çatinë e godinës ku ai qëlloi drejt Donald Trump.
Një burrë, i cili mendohet se është një agjent i Shërbimit Sekret, i thotë një oficeri të Njësisë së Shërbimit të Emergjencave të Qarkut Beaver se trupi i Crooks dukej të ishte personi i dyshimtë që iu raportua më parë atyre.
“Pra, ky është djali,” thotë agjenti.
“Ky është ai,” përgjigjet oficeri i njësisë së shërbimeve të urgjencës të Qarkut Beaver.
NDIQE LIVE "PANORAMA TV" © Panorama.al
