Një përplasje fizike ka ndodhur mes efektivëve të policisë dhe një grupi të rinjsh në qytetin e Vlorës pak pas mesnatës së të premtes.
Ngjarja ka ndodhur rreth orës 01:15 në zonën e Lungomares. Siç shihet në videon e siguruar nga Panorama.al, gjatë përplasjes një nga të rinjtë shtyn një prej efektivëve në tokë.
Më pas, vrapon drejt një polici tjetër duke e goditur me skafandër në kokë dhe efektivi rrëzohet në tokë.
I riu shkon drejt efektivit duke e shtrirë në tokë, por ndërhyjnë qytetarët dhe policët për ta ndaluar, duke e larguar.
Ende nuk ka një njoftim zyrtar mbi ngjarjen që ka ndodhur në Lungomare.
NDIQE LIVE "PANORAMA TV" © Panorama.al
