Dafina Zeqiri dhe Dj Geek konfirmuan pak ditë më parë ribashkimin e tyre.
Këngëtarja postoi në Instagram disa foto të saj, të shkëputura nga videoklipi i fundit që ka realizuar me Ylli Limanin. Në foto ajo shfaqej e veshur me një kostum të bardhë dhe përkrah tyre shkruante: “Ti je ai që më plotëson”.
Madje, ata e uruan në çift Vitin e Ri! Dafina ndau në Instastory një video me partnerin e saj, teksa ndodheshin së bashku në makinë.
Për më tepër, Dafina e kaloi mbrëmjen e ndërrimit të viteve në shtëpinë e Geek me të afërmit e tij. Ishte Dj i mirënjohur ai që ndau video nga mbrëmja e tyre festive ku ra në sy edhe pjesëmarrja e këngëtares.
Së fundmi, Dj Geek i ka lënë komentin më romantik partneres së tij në foton e saj të fundit të publikuar në Instagram.
“E imja” i ka shkruar Dj Geek ndërsa këngëtarja ia ka kthyer: “Gjithmonë”!
Para disa muajsh dyshja i habitën të gjithë pasi konfirmuan publikisht se ishin ndarë, pak kohë pasi kishin nisur lidhjen e tyre.
Zeqiri u shpreh se ishte e detyruar të zgjidhte mes të dashurit dhe punës, ndaj ajo zgjodhi këtë të fundit.
Mirëpo kjo ndarje nuk zgjati shumë dhe tani ata duken shumë të lumtur bashkë.
NDIQE LIVE "PANORAMA TV" © Panoramaplus.al