Lady Gaga po lufton shumë për të gjetur lumturinë. Këngëtarja foli për revistën Paper mbi betejën e saj me depresionin dhe mesazhin e albumit të saj “Chromatica”.
33 vjeçarja shpjegoi se këngët flasin për traumat e saj dhe ajo ende po lufton me to herë pas here.
“Lumturia nuk është aq e thjeshtë. Kam depresion klinik. Ka diçka që po ndodh në trurin tim ku dopamina dhe serotonina nuk funksionojnë në të njëtën mënyrë,”- tregoi Lady.
Gaga u shpreh se këngët e saj janë shkruar në periudha kur ishte në krizë.
“Disa ditë mendoja se doja të vdisja. I thosha vetes: ‘Do të vdes së shpejti, kështu që më mirë po shkruaj diçka të rëndësishme. Tani e dëgjoj dhe dua të jetoj,”– tha ajo.
Këngëtarja shprehet se “Chromatica” është diçka që i detyron njerëzit të gëzohen edhe në momentet e tyre më të trishtuara. Dhe ajo mendon se kjo ëshë e rëndësishme pasi duhet të luftojë gjithë kohës me depresionin.
