Tetorin e vitit të kaluar Jonida Shehu u largua nga “Top Channel” dhe kjo bëri shumë bujë në media. Madje moderatorja u kthye në qendër të vëmendjes edhe për faktin se ku do ta shihnim sërish në ekran.
Njëherë u tha se ajo do të lëvizë në “Klan Plus”, por që kjo u hodh poshtë menjëherë. Së fundmi u përfol se Jonida do të niste një emision në “Klan” e që do të transmetohej paradite.
Ndërkohë burime për “Xing.al” bëjnë të ditur se këtë emision nuk do e prezantojë Jonida, por ish-banorja e “Big Brother”, Alba Çobaj e cila fillimisht ishte përzgjedhur për të punuar si gazetare e këtij emisioni. Formati mbetet ende për t’u zbuluar, por mësohet se emisioni do të transmetohet nga ora 10 deri në 12 paradite.
NDIQE LIVE "PANORAMA TV" © Panoramaplus.al
