Këngëtari i njohur Elgit Doda dhe Klea Huta disa ditë më parë kanë kurorëzuar dashurinë e tyre në martesë.
Me një ceremoni shumë të veçantë në jug të vendit, para djalit të tyre Krid, familjarëve dhe miqve, çifti i thanë njëri-tjetrit “PO”.
Në ditën e tyre më të veçantë Klea gjithashtu i dedikoi një këngë partnerit të saj e cila titullohej “4”, ndërsa ky numër ngriti aludimet e fansave se moderatorja mund të jetë sërish shtatzënë.
E teksa është shumë aktive në rrjetet sociale, shpesh herë ajo ndan me fansat momente nga përditshmëria e saj.
Ndonëse çifti i sapomartuar janë në muajin e mjaltit, Klea nuk i ka lënë pas dore as fansat e saj e cila ditën e djeshme ajo ka zhvilluar një bisedë virtuale me ta në Instagram, ku një ndër ndjekësit e ka pyetur se a është shtatëzënë, teksa Klea u shpreh se numri katër është për datën e dasmës dhe për ditën e lindjes së djalit të tyre, Krid, duke hedhur kështu poshtë të gjitha dyshimet.
“Titulli ‘4’ është për datën e dasmës që u bë në ditën e lindjes së Krid Doda”, u shpreh moderatorja.
Ndërsa gjithashtu moderatorja për herë të parë ajo tregoi nga afër edhe unazat që dyshja kanë vendosur si symbol i dashurisë së tyre.
NDIQE LIVE "PANORAMA TV" © Panoramaplus.al
