Katër burra indianë të dënuar për përdhunim në grup dhe vrasje të nje studenteje në Delhi në vitin 2012 janë varur.
Akshay Thakur, Vinay Sharma, Paëan Gupta dhe Mukesh Singh u dënuan me vdekje nga një gjykatë në 2013.
Të katërt u varën në burgun e sigurisë së lartë në Tihar. Këto janë në ekzekutimet e para në Indi që nga 2015.
Viktima vdiq nga plagët e saj disa ditë pasi u dhunua nga gjashtë burra në një autobus që po ecte.
Incidenti shkaktoi zemërim dhe çoi në ligje të reja kundër përdhunimit në Indi.
Studentja 23-vjeçare e fizioterapisë u quajt Nirbhaya, e patrembura, nga shtypi pasi identiteti i saj nuk mund të zbulohej për shkak të ligjeve idiane.
Gjashtë persona u arrestuan për sulmin. Njëri prej tyre, Ram Singh, u gjet i vdekur në burg në mars 2013 dhe raportohet se kishte vrarë veten.
Një tjetër, që ishte 17 vjeç në kohën e përdhunimit të studentes, u mbaj 3 vte në një qendër riedukimi dhe u lirua. Ky është afati maksimal i mundshëm i dënimit për një të mitur në Indi.
Një apel i minutës së fundit për të zbritur dënimet me vdekje të katër burrave u refuzua disa orë para ekzekutimeve.
Pak minuta pasi të burgosurit u varën mëngjesin e së premtes, nëna e viktimës tha: “Përqafova fotografinë e vajzës sime dhe i thashë që më në fund drejtësia u vendos.”
Ndërsa babai i saj tha: “Besimi im tek drejtësia është rikthyer.”
NDIQE LIVE "PANORAMA TV" © Panoramaplus.al