Moderatorja Dojna Mema është shumë e hapur në mendimet e saj dhe flet për tema tabu.
Ajo gjithmonë ngre zërin për tematika që prekin femrat shqiptare.
Dhe për ketë Dojna Mema është cilësuar si feministe. Shqetësimin e ngriti një prej ndjekësve të saj gjatë një mini-interviste që moderatorja zhvilloi në Instagram.
Fansi u shpreh se kohët e fundit ajo po sulmon shumë moralisht meshkujt, megjithatë i kërkoi më shumë mirëkuptim.
“Kohët e fundit po sulmoni moralisht meshkujt. Nuk mendon se duhet të na kuptosh pak edhe ne,”– shkroi ndjekësi.
Moderatorja u shpreh se nuk ka sulmuan kurrë meshkujt, duke shtuar se feminizmi është baza e të drejtave të njeriut dhe s’ka lidhje me urrejtjen.
“Kush po sulmon meshkujt? Unë jam vajzë e një burri të mrekullueshëm, si mund të sulmoj meshkujt? Feminizmi është baza e të drejtave të njeriut, s’ka lidhje me urrejtjen e asnjë pale, përkundrazi,”- u përgjigj Dojna Mema.
