Është në muajin e nëntë të shtatzënisë e pavarësisht kësaj, këngëtarja Zaimina Vasjari duket gjithnjë në super formë. Ajo së shpejti do të bëhet nënë e një vajze të cilës i ka vendosur emrin Khloe.
Vasjari ka postuar vazhdimisht fotografi në llogarinë e saj në “Instagram”, duke treguar kështu edhe barkun e saj të rrumbullakosur. Pak ditë më parë ajo u shfaq e veshur me kanotiere të bardhë dhe xhinse, ku edhe zbuloi për herë të pare partnerin e saj, Klodin.
Por sot këngëtarja ka postuar një tjetër foto shumë të bukur e njëkohësisht edhe shumë seksi. Në foton në fjalë, ajo shihet e veshur vetëm me një body ngjyrë nude dhe një tyl të gjatë, teksa mbi bark mban këpucët e vogla të vogëlushes së saj.
Teksa komentues të shumtë e urojnë për një shtatzëni të mbarë, ka nga ata që e pyesin edhe për dieten dhe a ka shtuar peshë gjatë kësaj periudhe. Këngëtarja është shprehur se është ushqyer shëndetshëm dhe se pesha e vetme që ka shtuar është ajo e vajzës.
