Pas disa javësh sherre dhe mosmarrëveshje, çifti më i dashuruar i “Big Brother 9”, Xheni dhe Benardi, i dhanë fund historisë së tyre. 22-vjeçarët që bashkëjetonin në Tiranë dhe ishin pjesë e spektaklit të kërcimit “Dance with me” u ndanë duke hequr dorë kështu edhe nga gara. Vendimin drastik duket se e ka marrë Xheni, e cila, e lënduar keq fare nga i dashuri, u arratis nga Shqipëria, për t’u bashkuar me familjen në Itali.
Ndërsa Bernardi gjendet në Tiranë dhe shpeshherë e kemi parë nga fotot e publikuara në Instagram se frekuenton jetën e natës së kryeqytetit.
Postimet e fundit të Bernardit në rrjetet sociale tregojnë edhe se banori nuk e harron dot kollaj Xhenin. Vetëm pak ditë më parë ai postoi një foto ku ai tregonte kupat e fitores që kishte marrë me Xhenin në “Dance with me”, ndërsa sot duket se i ka shpallur pikërisht dashurinë. Bernardi shihet duke kënduar në makinë këngën e Xhensilës “High love”, teksa shkruan “Ti je my…” dhe vazhdimi i tekstit të këngës është :…my love.