Bashkia e Tiranës ka publikuar disa fotografi të parkut të madh të liqenit artificial dhe të shëtitores së saj.
Pamjet tregojnë të gjithë shëtitoren e ndriçuar gjatë natës, që sipas Bashkisë ka ndryshuar totalisht dhe e gjithë rruga është pajisur me cezma uji, fusha sportive dhe kënde force.
“Falë sistemit të ndriçimit qytetarët e të gjithë grupmoshave mund të lëvizin të qetë dhe në mënyrë komode në çdo orë të natës në Parkun e Madh! Në një kohe të shkurtër Parku i Liqenit Artificial është kthyer në një nga destinacionet më të preferuara për qytetarët e Tiranës, jo vetëm për të kaluar kohën e lirë, por edhe për të zhvilluar aktivitete të ndryshme sportive. Ndryshe nga dy edicionet e kaluara, maratona e këtij viti përshkoi disa nga pikat më tërheqëse dhe panoramike të Tiranës, siç ishte edhe pjesa përreth Liqenit Artificial”, bën të ditur Bashkia Tiranës.
