Washington Post ka nxjerrë të tjera detaje të marrëdhënieve të biznesit të ish-agjentit të FBI-së, Charles McGonigal në Shqipëri.
Sipas medias amerikane, McGonigal sëbashku me Agron Nezën blenë 25 përqind të aksioneve në një firmë avokatie në vend.
Në këtë firmë avokatie bashkëpronar ishte edhe një tjetër ish-agjent i FBI-së, Mark Rossini i cili është shpallur fajtor në vitin 2007 pasi u fut në dosjet e FBI-së duke përvetësuar informacione në llogari të ish-të dashurës së tij.
Shkrimi Washington Post:
Puna e McGonigal në Shqipëri solli në “orbitën” e tij ish-agjentë të tjerë. Të dhënat e korporatave në Shqipëri tregojnë se në shkurt 2019, pesë muaj pasi McGonigal u tërhoq nga FBI, ai dhe Neza blenë secili 25 për qind të aksioneve në një firmë avokatie me bazë në vend, e identifikuar në të dhënat e korporatave shqiptare si Zyra e Avokatisë dhe Hetimi.
Një partner tjetër në firmë ishte Mark Rossini, një ish-agjent i FBI-së, karriera e të cilit përfundoi pasi ai u deklarua fajtor për akses të paligjshëm në dosjet e FBI-së në vitin 2007 për interes të së dashurës së tij aktore.
Rossini është rishfaqur vitet e fundit si një konsulent ndërkombëtar dhe ekspert për Shqipërinë, duke u shfaqur në intervista në mediat shqiptare për të paralajmëruar ndikimin rus mbi kundërshtarët politikë të Ramës.
Një person i njohur me rrëfimin e Rossinit për biznesin tha se kompania shqiptare nuk kryente asnjë punë dhe nuk kishte klientë. Në gusht, Rossini u padit me akuza për korrupsion në një rast që përfshin pagesat për guvernatorin e Porto Rikos. Ai është deklaruar i pafajshëm.
NDIQE LIVE "PANORAMA TV" © Panorama.al
