“PD drejtohet nga Berisha, kandidatët e Primareve do të jenë fitues”/ Nard Ndoka: Vota në 14 maj do jetë ndëshkuese, për sektin Rama-AliBasha

Apr 10, 2023 | 14:43
SHPËRNDAJE

Kreu i PDK, Nard Ndoka ka komentuar zgjedhjet e 14 majit ku pohon se do të ketë surpriza dhe se kandidatët e primareve do të dalin fitues.

nard ndoka

Ndoka për ‘News24’ tha se trekëndëshi Tiranë, Durrës dhe Elbasan do të jetë ndëshkimi për atë që e quan “sekti Ramën-AliBasha” ku shtoi se PD drejtohet nga Sali Berisha në aspektin politik.

“Të gjitha partitë që janë në opozitë, mbështesin kandidatët e Primareve. Unë shoh një PD ndryshe, edhe në organizim jemi mësuar që kandidatët të shpalleshin në limitet kohore, përzgjedhja e tyre vinte me probleme, ndërsa sot këtë proces e kemi ezauruar. Bejko është kandidat i sektit AliBasha, ndërsa PD drejtohet nga Berisha, në aspektin politik, ndërsa në aspektin e letrave. Ndikimi do të jetë 0, nuk mund të them që nuk mund të prishin punë në ndonjë bashki, por ka optimizëm dhe ka votë ndëshkuese. Mallakastra mund të ketë një lloj rezultati që mund të ndikojë, ndërsa në Bashkitë e tjera nuk shoh rrezik. Do të ketë surpriza në këto zgjedhje. Trekëndësha Tiranë, Durrës, Elbasan do jetë ndëshkim për sektin Rama-AliBasha”, tha ai.

Ndërkohë premtimet e kryeministrit Edi Rama tha ai janë një gropë e madhe për vendin në prag fushate dhe se qytetarët e kanë kuptuar mashtrimin e tij.

“Rama është mashtrues, dhe këto premtime si i alkoolizuar prej frikës, në panik, në prag të fushatës, krijojnë një gropë të madhe. I bën premtime të parealizueshme dhe nëse realizohen me këtë aventurë do të krijojnë një gropë të madhe. Qytetarët e kuptojnë që është mashtrim, dhe mendoj se ndëshkimi do të jetë më i madh”, tha ai.

NDIQE LIVE "PANORAMA TV" © Panorama.al

Te lidhura