Kryetarja e Bashkise së Kurbinit Majlinda Cara ka njoftuar se është pezulluar pelegrinazhi i përvitshëm 13 të Martave drejt Kishës së Shna Ndout.
“Ky ritual do të PEZULLOHET deri në tejkalimin e kësaj situate për të cilën duhet bashkëpunimi dhe kontributi i gjithësecilit prej nesh”, thuhet në njoftim.
Kjo bëhet pas masave të ndërmarra nga autoritetet për kufizimet maksimale të lëvizjeve dhe grumbullimeve të njerëzve si dhe Dekretit të nxjerrë nga Përfaqësia e Kishës Katolike në Shqipëri.
Bashkia e Kurbinit ka nxjerrë këtë njoftim:
Nga data 17 Mars 2020, në kushte normale, do të fillonte pelegrinazhi i përvitshëm i 13 të Martave drejt Kishës së Shna Ndout. Por, duke parë situatën e krijuar gjatë ditëve të fundit nga përhapja e virusit COVID-19 si dhe masave të ndërmarra për parandalimin e përhapjes së mëtejshme të tij, ky ritual do të PEZULLOHET deri në tejkalimin e kësaj situate për të cilën duhet bashkëpunimi dhe kontributi i gjithësecilit prej nesh.
Le të lutemi të gjithë në familjet dhe shtëpitë tona për shëndet e mbarësi, me shpresën dhe besimin se të gjithë bashkë do ta kalojmë këtë vështirësi me sa më pak dhimbje?
NDIQE LIVE "PANORAMA TV" © Panorama.al
