Votuesit francezë u janë drejtuar sot qendrave të votimit për raundin e parë të zgjedhjeve të parakohshme parlamentare, të thirrura nga Presidenti Emmanuel Macron rreth tre javë më parë.
Në atë kohë, Presidenti Macron tha se kishte “dëgjuar mesazhin” e votuesve francezë pasi Tubimi Kombëtar i ekstremit të djathtë (RN) fitoi zgjedhjet evropiane.
Sipas të dhënave nga mediat e huaja, pjesëmarrja deri në mesditë ka qenë më e lartë se sa pritej dhe duket se po zbut trendin e viteve të fundit.
Deri në mesditë, ishte 26%, më i larti në më shumë se 40 vjet. Kjo është një rritje nga zgjedhjet parlamentare të vitit 2022, ku në këtë pikë të ditës gjatë atij sondazhi, ishin regjistruar vetëm 18.43% .
“Ky është niveli më i lartë që nga zgjedhjet legjislative të vitit 1981,” tha Mathieu Gallard, drejtor kërkimi në institutin e sondazheve Ipsos.
Kjo ishte veçanërisht e habitshme në kryeqytetin, Paris, ku pjesëmarrja në mesditë ishte 25.48% krahasuar me 12.8% në të njëjtën kohë në vitin 2022, domethënë një normë dy herë më e lartë, raportojnë mediat franceze.
Njoftimi i befasishëm për zgjedhje e hodhi vendin në trazira pasi sondazhet tregojnë se RN mund të bëhet më e madhja në Francë
Aleanca e Ansamblit të Presidentit Macron po dobësohet në sondazhe dhe mund të dalë e treta, pas RN dhe koalicionit të krahut të majtë Fronti i Ri Kombëtar
Vetëm kandidatët që arrijnë të fitojnë më shumë se 12.5% të votave do të kalojnë në raundin tjetër, që do të zhvillohet javën e ardhshme më 7 korrik.
NDIQE LIVE "PANORAMA TV" © Panorama.al
