Kryeministri Edi Rama ka publikuar në profilin e tij zyrtar në Instagram një foto me homologun kosovar Albin Kurti, menjëherë pas përfundimit të samitit të liderëve të Ballkanit Perëndimor.
Në foton e publikuar, dy liderët shqiptarë, duken të përqafuar dhe të buzëqeshur.
Pas tyre, i buzëqeshur shfaqet edhe kryeministri i Maqedonisë së Veriut, Zoran Zaev.
Me gjasë, kryeministri Rama dhe Kurti, siç duket i kanë lënë pas për një çast mosmarrëveshjet që kanë pasur në të shkuarën.
Shqipëria ishte këtë herë mikpritësja e samitit të radhës të liderëve të Ballkanit Perëndimor i cili u zhvillua në Pallatin e Brigadave.
Në këtë samit morën pjesë liderët e Kosovës, Serbisë, Maqedonisë së Veriut, Malit të Zi dhe Bosnje Hercegovinës.
NDIQE LIVE "PANORAMA TV" © Panorama.al
