Venat e fryra apo edhe me gunga mund të shfaqen pothuajse tek kushdo, dhe ndonëse nuk janë të rrezikshme, nuk janë të bukura. Edhe pse nuk mund të parandalohen gjithmonë, ka disa zakone të jetës së përditshme që mund të shkaktojnë fryrje të venave.
“Bright Side” liston zakonet e dëmshme që ju shkaktojnë fryrjen e venave.
- Po depiloni këmbët.
Nëse jeni mësuar të depiloni këmbët në shumë pak kohë për shkak se jeni me nxitim, atëherë po dëmtoni venat. Prerja aksidentale e këmbëve mund të rezultojë në djegie të bezdisshme nga brisku, dhe gjithashtu mund të ndikojë tek venat, pasi mund të shkaktojë gjakderdhje. Shumica e grave depilohen në dush të ngrohtë ose të nxehtë, dhe kur ju i prisni aksidentalisht këmbët me brisk, nxehtësia mund ta bëjë gjakderdhjen më intensive. Për të parandaluar këtë, zgjidhni një brisk të krijuar posaçërisht për lëkurën e thatë.
- Nuk përdorni scrub tek këmbët.
Edhe pse pastrimi i lëkurës së vdekur nuk do të parandalojë formimin e variçeve, mënyra se si i masazhoni këmbët gjatë aplikimit të produktit mund t’ju ndihmojë. Ajo stimulon rrjedhjen e gjakut, duke mos lejuar që venat të bëhen “dembele”. Përmirësimi i qarkullimit të gjakut ndihmon në përshpejtimin e prodhimit të kolagjenit dhe mban këmbët të lëmuara për më gjatë.
- Po përdorni një furçë të thatë.
Me siguri keni parë blogere që promovojnë masazh me furça të thata, dhe megjithëse ofron disa përfitime kozmetike, mund t’ju dëmtojë venat. Nëse jeni duke përdorur një furçë të thatë shumë shpesh ose shumë intensivisht, mund t’ju shkaktohen të cara të vogla në lëkurë. Kjo, nga ana tjetër, i bën venat më të prekshme ndaj gjakderdhjes spontane dhe infeksionit.
- Bëni vrap.
Aktiviteti mund të ndihmojë për të parandaluar zhvillimin e venave me variçe, por disa ushtrime mund të çojnë në këtë gjendje me kalimin e kohës. Ndërsa vraponi, vëllimi i shtuar i gjakut mund të dëmtojë venat dhe përfundimisht ta bëjë më të vështirë qarkullimin e gjakut në këmbë.
- Po konsumoni shumë sheqer.
Sheqeri bën që presioni i gjakut të rritet, gjë që mund të dëmtojë dhe dobësojë venat. Gjithashtu mund të shkaktojë inflamacion në enët e gjakut, duke e bërë më të vështirë pompimin siç duhet të gjakut, gjë që mund të shkaktojë zgjerimin dhe fryrjen e venave. Në fakt, edhe ushqimet që duken si alternativa më të shëndetshme për ëmbëlsirat, siç janë frutat e thata, shpesh janë shumë të larta në kalori dhe sheqer, gjë që i bën ata armikun më të keq të venave.
- Ju mbani rripa.
Rrobat e ngushta mund të duken mirë, por gjithashtu kufizojnë qarkullimin e gjakut dhe e bëjnë më të vështirë rrjedhjen e tij nga këmbët në pjesën tjetër të trupit tuaj. Në vend që të vishni rripa ose xhinse të ngushta, zgjidhni veshje më të gjera. Venat tuaja do t’ju falënderojnë.
- Flini me kurriz.
Edhe pse ky pozicion i gjumit mund të parandalojë krijimin e rrudhave, ai nuk është i mirë nëse vuani nga venat me variçe. Është më mirë të flini në anën tuaj të majtë, sepse ky pozicion heq presionin nga vena më e madhe e trupit, e cila ndodhet në anën e djathtë. Kjo do të ndihmojë në rritjen e qarkullimit të gjakut dhe parandalimin e grumbullimit të tij në vena.
NDIQE LIVE "PANORAMA TV" © Panorama.al
