Që prej 12 marsit shtypi i shkruar, gazetat, revistat i munguan lexuesve, por nga nesër ( e hënë 20 prill) të gjithë do kenë mundësi të kenë në duar Gazetën “Panorama”, “Panorama Sport” dhe Gazetën Shqiptare.
Pas masave lehtësuese të bëra me dije nga qeveria edhe shtypi i shkruar do të rifilloje botimin dhe do të jetë në treg për të gjithë lexuesit besnik.
Kur u njoftua mbyllja, stafet e gazetave deklaruan se në kushtet e përhapjes së pandemisë së COVID 19, nuk e shihnin të arsyeshme t’ju kërkonin lexuesve të dilnin nga shtëpia për të blerë gazetë, por tani që ata kanë 90 minuta kohë për të bërë pazare, mund ta shfrytëzojnë edhe këtë mundësi.
Sigurisht rekomandohet që ata të respektojnë me përpikmëri masat e distancimit social gjatë daljes së tyre./Panorama.al
NDIQE LIVE "PANORAMA TV" © Panorama.al
