Pa dyshim që askush nuk do t’i afrohet kurrsesi kontratës marramendëse të arabo-sauditëve për Kristiano Ronaldon, prej 200 milionë eurosh në sezon, por gjithsesi ajo e radhës i drejtohet Bernardo Silvës. Mesa duket, në lindjen e largët janë të dashuruar me portugezët, sepse ndryshe nuk shpjegohet: plot 100 euro për çdo minutë të qëndrimit të tij në Arabinë Saudite.

E pabesueshme, por e vërtetë, 100 euro në minutë, ose e thënë ndryshe milionë euro në sezon. Është kjo ajo çfarë i ofron klubi i Al-Hilalit fantazistit të Mançester Sitit, për t’iu bashkuar.

Dhe pa dyshim që në të tilla shifra është më shumë sesa e lehtë që të joshesh dhe me shumë mundësi, do të jetë kjo skuadra e ardhshme e 28-vjeçarit. Kjo mendohet se do të jetë goditja e ardhshme e bujshme e arabëve, edhe pse kur mendon që Kristiano fiton 380 euro në minutë, Bernardo Silva, përpara shokut dhe kapitenit të tij të Kombëtares portugeze duket një varfanjak, edhe pse jo aq…

PANORAMASPORT.AL

NDIQE LIVE "PANORAMA TV"

---