Ançeloti nuk pret hakmarrje ndaj Napolit: Kam dashuri për gjithë ish-skuadrat, por Milani dhe Reali janë speciale për mua
Trajneri italian i Real Madridit, Karlo Ançeloti, i cili foli në konferencën për shtyp përkrah anësorit Dani Karvahal, ka preferuar të mos i përgjigjet pyetjes nëse Reali është realisht skuadra më e rëndësishme e karrierës së tij:
“Nuk e di, ndjej një dashuri të madhe ndaj të gjitha ish-skuadrave të mia dhe nuk dua të mos respektoj askënd duke bërë një renditje. Por ndjej diçka të veçantë për Milanin, ku kam qenë lojtar dhe trajner, dhe Real Madridin, sepse është klubi më i madh në botë.”
Për hakmarrjen e mundshme ndaj Napolit: “Napoli është një ekip shumë i rrezikshëm, pres një ndeshje shumë të ekuilibruar. Megjithatë, nuk do të ketë asnjë hakmarrje nga ana ime.”
Për Belingham dhe përshtatjen e tij të menjëhershme me Real Madrid: “Ai është një profesionist i vërtetë, një djalë serioz dhe inteligjent. Kjo është arsyeja pse ai arriti të përshtatet shumë mirë dhe në një kohë kaq të shkurtër me Real Madridin. Ai është një futbollist i madh dhe lojtarë të mëdhenj, përshtatet shpejt në çdo vend apo ligë”.
Ançelotti foli për “Sky Sport” përpara ndeshjes së nesërme mes Real Madridit dhe Napolit në “Santiago Bernabeu” dhe këto janë mendimet e tij:
Rikthimi i Maxarrit në Napoli?
Jam i lumtur që ai është rikthyer në Napoli, ku është shumë i dashur. Napoli mbetet një ekip i rrezikshëm dhe ndryshimi i trajnerit gjithmonë jep motivim shtesë. Ne duam të zhvillojmë një lojë të mirë dhe të përfundojmë në vendin e parë.
Cilat janë kurthet më të mëdha të Napolit?
Kvara është i frikshëm një me një dhe Osimhen është i kompletuar, i fortë me kokë dhe shumë i fortë në tranzicion. Ne e morëm atë në konsideratë në ndeshjen e parë dhe do ta bëjmë nesër.
Rodrigo ka gjetur sërish rrugën e golit…
Për sulmuesit mund të ndodhë që ata të mos shënojnë për një kohë, por është thjesht e nevojshme të kemi durim dhe besim në talentin e një të riu kaq të mirë që po na ndihmon. Thjesht duhej ta bëja atë të luajë.
Brahim Diaz apo Rodrigo?
Brahim do të luajë, ai tashmë duhej ta bënte këtë kundër Kadiz, por ai kishte një problem shëndetësor. Ai është mirë tani dhe do të jetë në gjendje të na ndihmojë nesër.
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)