“Axurrët” e ka punën pisk me spanjollët, njihuni me statistikat e Napolit dhe Barcelonës
Napoli dhe Barcelona do të përballen në ndeshjen e vlefshme për fazën e 1/8-ave në Champions. Njihuni me statistikat:
– Kjo do të jetë përballja e pestë mes Napolit dhe Barcelonës në kupat e Europës. Katër takimet e deritanishme flasin për Barcelonën që ka fituar 2 ndeshje dhe ka barazuar 2 të tjera;
– Ndeshja e parë mes dy skuadrave e luajtur në fazën e 1/8 e finaleve është ajo në Ligën e Europës 2021-2022 dhe përfundoi 1-1, por e luajtur në Barcelonë;
– Napoli numëron tre humbje radhazi ndaj ekipeve të La Ligës me 11 gola të pësuar;
– Rekordi i Napolit në përballjet me dy takime kundër skuadrave spanjolle është një fitore dhe tetë humbje. Fitorja e tyre e vetme ishte ajo kundër Valencias në raundin e parë të Kupës UEFA 1992-1993 (1-5 jashtë, 1-0 në shtëpi);
– Hera e fundit që Barcelona u përball me një ekip të Serie A ishte në fazën e grupeve sezonin e kaluar, kur humbën 1-0 në Milano përballë Interit, përpara se të barazonin 3-3 në shtëpi;
– Skuadra spanjolle ka fituar tre nga pesë ndeshjet e fundit në Itali, duke përfshirë fitoren e saj 4-2 kundër Napolit në vitin 2022;
– Rekordi i Barcelonës në përballjet me dy takime kundër klubeve italiane është nëntë fitore dhe pesë humbje;
– Barcelona është përballur me një kundërshtar italian në pesë finale të kompeticioneve të UEFA-s, me tri fitore dhe dy humbje. Më e fundit ishte fitorja 3-1 kundër Juventusit në UEFA Champions League 2014-2015 në Berlin;
– Barcelona ka fituar vetëm 14 nga 34 ndeshjet e fundit jashtë fushës së saj në kompeticionet evropiane (nëntë barazime dhe njëmbëdhjetë humbje;
– Fitorja 2-1 kundër Granadës në ndeshjen e dytë të raundit të 1/8 e finaleve në Europa League 2020-2021 është suksesi i vetëm i Napolit në tetë ndeshjet e fundit në shtëpi kundër klubeve spanjolle. Katër prej tyre përfunduan në barazim 1-1;
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)