Arsenali ka ndërhyrë në merkato në kërkim të përforcimit të skuadrës për sezonin e ardhshëm. Dhe siç raportojnë mediat britanike “Topçinjtë” janë shfaqur si pretendentë të fortë për nënshkrimin me sulmuesin e Çelsit dhe kombëtares gjermane Kai Haverc nga Çelsi.

Reali i Madridit gjithashtu e ka identifikuar sulmuesin gjerman si një zëvendësues të mundshëm për ish-kapitenin Karim Benzema, por “los blancos” po përballen me konkurrencën nga skuadra e drejtuar nga Mikel Arteta.

Kontrata e Havercit skadon në vitin 2025, por ai ia ka shprehur klubit dëshirën e tij për t’u larguar këtë verë dhe Çelsi. Vetë klubi londinez ka shfaqur gatishmërinë për të shitur Havercin, i cili u transferua në “Stamford Bridge” për 62.5 milion sterlina tre vjet më parë.

Sipas raportimeve të “The Guardian”, blutë po kërkojnë të paktën 70 milionë stërlina për shërbimet e tij. Çelsi duhet të rikuperojë fondet pasi ka shpenzuar rreth 600 milionë sterlina për lojtarë që nga vera e kaluar.

Ata janë të vendosur të shesin Mateo Kovaçiçin te Siti dhe Mezon Maunt te Junajtid, ndërsa N’Golo Kante do të transferohet në AlItihhad si një lojtar i lirë.

PANORAMASPORT.AL

NDIQE LIVE "PANORAMA TV"

---