Darka e fundit, Emanuel Makron i ftuar special në largimin e Mbapesë
Pranë Teatrit “Champs-Élysées”, me një tarracë panoramike dhe pamje mahnitëse të Kullës Eiffel, Kilian Mbape feston lamtumirën e tij në Paris këtë mbrëmje me 250 të ftuar, përfshirë edhe presidentin e Francës Emanuel Makron.
Qendërsulmuesi i ri i Real Madridit do të rrethohet mbrëmjen e sotme nga VIP-a të futbollit, argëtimit dhe politikës në restorantin italian “Gigi” në një nga rrugët më elegante të Parisit, Avenue Montaigne.
Mes dizajnit të brendshëm të restorantit, frymëzuar nga pallatet e Venecias, kolonat dhe mermeri i çmuar italian, Mbape po përgatitet për transferimin e tij në “oborrin mbretërorë” të Karlo Ançelotit, në një ambient luksoz, një nga restorantet e preferuara të yjeve, i cili është privatizuar tërësisht për këtë ngjarje.
SONI SALIHI-PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)