“Davide ka aftësi të shkëlqyera”, Ançeloti flet për djalin: Në të ardhmen mund të jem ndihmësi i tij
Karlo Ançeloti prej disa vitesh ka pjesë të stafit, djalin e tij Davide. Italiani shprehet se Davide mund të bëhet një trajner i madh pasi ka aftësitë e duhura për këtë profesion.
“Davide është një trajner i ekuilibruar, serioz. Ai filloi si përgatitës atletik në PSG, pastaj me ne te Real Madrid. E di mirë se si është puna e një stafi dhe është rritur shumë, e ushtron këtë punë prej dhjetë vitesh. Ai e bën pjesën më të madhe të punës në stërvitje. Si karakter më ngjason shumë. Ka aftësitë dhe kapacitetin për të bërë një karrierë të shkëlqyer, për të mbijetuar në botën e futbollit dhe për të përballuar të gjitha momentet, të lehta dhe të vështira. Ka njohuri dhe karakter. A do të pranoja të isha zëvendësi i djalit tim? Unë do ta bëja, nuk do të kisha asnjë problem. Ashtu siç më ndihmon ai sot, mund ta ndihmoj unë nesër. Nëse ma kërkon, do ta bëja”, u shpreh Ançeloti.
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)