“Dua ta takoj një ditë Mesin”, Jamal: Niko Uilliams te Barcelona? Shpresoj që të ndodh
Lamin Jamal ka qënë një ndër yjet e këtij Europiani, duke e ndihmuar kombëtaren spanjolle të shkojë deri në finalen e kompeticionit dhe ndoshta edhe ta fitojë atë. Ai së fundmi ka dhënë një intervistë për “Jijantes TV”, ku u pyet për foton e famshme që ka qarkulluar në internet me Mesin, si dhe për zërat e fundit që lidhin Niko Uilliamsin te Barcelona:
“ Unë e kam shikuar atë foto më përpara sepse ma ka treguar babai, por ne nuk e kemi bërë publike sepse nuk donim që të fillonin krahasimet. Askush nuk mërzitet kur krahasohet me më të mirin e botës. Kurrë nuk kam folur me Mesin, shpresoj që ta takoj një ditë.
Nuk kam lidhje me zërat që e afrojnë Uilliamsin te Barcelona, por shpresoj që një ditë të luaj me të. Kur të ketë ditëlindjen do ta ftoj për një xhiro, dhe për ta bërë të lumtur do i bëj një dhuratë.
SONI SALIHI-PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)