Ashtu si në ndeshjen e parë, Partizani konsiderohet favorit edhe në kthim nga kompanitë e basteve. Megjithatë, numrat janë ekuilibruar disi. Në konferencën për shtyp në prag të këtij dueli, trajneri i Partizanit, Orges Shehi u shpreh:  

Si e pret Partizani ndeshjen e kthimit ndaj Marsaslok? 

Luajmë takimin e dytë ndaj kundërshtarit maltez Marsaslok. Vijmë pas barazimit 1- 1 në Elbasan Arena. Duke patur parasysh edhe rezultatin e 90 minutave të para , në kuadër të asaj ndeshje do të bëjmë maksimumin për të arritur objektivin tonë që është kualifikimi për më tej. 

Si paraqitet gjendja e skuadrës? 

Gjendja e grupit paraqitet optimale. Kemi patur disa shqetësime të vogla tek individë të veçantë , por ata i janë bashkuar skuadrës dhe janë të gatshëm për ditën e nesërme. 

Shanset e kualifikimit? 

Patjetër që në përballjet me eliminim janë të rëndësishme të dyja ndeshjet. Asgjë nuk zgjidhet në 90 minutat e para. E thash edhe pak më parë kemi ardhur këtu për tu kualifikuar dhe të shkojmë në raundin tjetër. 

Në këtë ndeshje skuadrës nuk do t’i mungojë mbështetja nga tifozeria e kuqe… 

Patjetër që prezenca e tyre edhe në ndeshjen e nesërme është një shtysë për ne. Unë gjej rastin ti falënderoj që kanë udhëtuar deri këtu për të mbështetur skuadrën. Ne do të bëjmë maksimumin për t;i kënaqur ata që do të jenë në stadium, por edhe ata që do na ndjekin nga Shqipëria dhe presin nga ne më të mirën. 

PANORAMASPORT.AL

NDIQE LIVE "PANORAMA TV"

---