E ka “spiunuar” Tonali, zbulohen prapaskenat me mbrojtësin e Milanit: Jo baste futbolli
Dy ditë më parë Alesandro Florenci u paraqit në prokurorinë e federatës italiane për të dëshmuar lidhur me çështjen e basteve, për të cilën deri më tani janë pezulluar Nikolo Faxholi i Juves dhe Sandro Tonali, teksa Nikolo Zaniolo është ende nën hetim.
Me sa bëhet e ditur, thirrja për dëshmit e anësorit të Milanit ka si shkaktar pikërisht Tonalin, i cili e ka përmendur Florencin si një nga “bastexhinjtë” e Serisë A.
Në fakt, kërkesa për paraqitje në prokurorinë e federatës kishte mbërritur edhe përpara asaj të prokurorisë së Torinos ku lojtari kuqezi pati dëshmuar tre javë më parë. Sidoqoftë, përmbajtja e dëshmitë nuk ka ndryshuar.
Florenci ka konfirmuar me bindje se nuk ka pse të sjellë prova të tjera, për të vërtetuar faktin se nuk ka qenë dhe nuk është i përfshirë në veprimtari të tilla siç pretendon akuza. Ai ka pranuar bastet në “blackjack” dhe poker, por jo në futboll.
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)