Finalizohet me sukses shitja, klubi i Kategorisë së Parë bëhet me president të ri
Lajme pozitive nga kampi pogradecar, ekipi liqenor, i cili në edicionin e kaluar siguroi ngjitjen në Kategorinë e Parë, tashmë është bërë me presidenti të ri.
Bëhet me dije se Bashkia e Pogradecit hodhi në ankand për shitjen e aksioneve të klubit, teksa pati vetëm një ofertë të paraqitur dhe ajo ishte e presidentit të “Arlis Construction”, Armand Lilo.
Tashmë procedura është mbyllur është bërë vlerësimi i ofertës dhe Lilo zyrtarisht është presidenti i ri i Pogradeci.
Me emërimin e presidentit të ri, objektivat e Pogradecit këtë sezon pritet të jenë madhore. Sipas informacioneve që vijnë nga kampi liqenor është rikonfirmuar në krye të pankinës shkodrani Samuel Nikaj edhe për 1 sezon, ndërsa nuk ka të dhëna se çfarë do të ndodhë me pjesën tjetër drejtuese të klubit.
PANORAMASPORT.AL
NDIQE LIVE "PANORAMA TV"