Fitoi çmimin “Golden Boy”, Bellingam: Ndjesi e bukur, merita i shkon trajnerit Ançeloti
Xhud Bellingam është shpallur fituesi i padiskutueshëm i çmimit të përvitshëm, “Golden Boy” që akordohet nga “Tuttosport”, media torineze në Itali. Britanikut do t’i dorëzohet sot trofeu ndërsa në një intervistë ekskluzive për “Tuttosport”, thekson se ndjehet i nderuar për trofeun, aq më tepër kur shndërrohet në anglezin e tretë që e fiton këtë trofe pas Uejn Runit dhe Rahem Stërling.
“Falenderoj të gjithë ata që më kanë votuar, i njoh mirë cilët janë fituesit e këtij trofeu prestigjioz që ndër të tjera ka lindur pikërisht në vitin 2003, atëherë kur kam lindur edhe unë. Jam anglezi i tretë që e fitoj pas një prej idhujve të mi si Runi dhe Stërling që e fitoi kur ishte pjesë e Liverpul në vitin 2014. “Golden Boy” është një trofe shumë i bukur. Merita për këtë trofe i shkon trajnerit Karlo Ançeloti, por edhe fizioterapistit. Ia dedikoj të gjithë shokëve dhe stafit të Real Madrid. Po ashtu edhe familjes sime”, u shpreh Bellingam.
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)