Postuar: Korrik 20, 2024 | 21:51
FOTOLAJM/ Mungon vetëm zyrtarizimi, ish-titullari i Vllaznisë arrin akordin me Elbasanin dhe ndjek nga afër… skuadrën e re
AF Elbasani nuk ka të ndalur në merkato! Lajmi ekskluziv i “Panorama Sport” drejt konfirmimit. Mbrojtësi shkodran, Esin Hakaj, ka arritur akordin total me klubin verdhezi, teksa në ditën në vijim pritet të vijë edhe prezantimi zyrtar.
Hakaj ishte i pranishëm pasditen e sotme në pistën e stadiumit “Elbasan Arena”, ku ndoqi nga afër duelin miqësor që skuadra e ti e re zhvilloi ndaj Vorës, sfidë që përfundoi me shifrat 2-0 për Elbasanin.
Për shkak të moshës më të re dhe performancës në sezonin e shkuar, duket se shkodrani bindi drejtuesit e Elbasanit, për ta bërë pjesë të projektit. Me zyrtarizimin e Hakajt, krahu i majtë i mbrojtjes do të jetë i blinduar.
VLADIMIR MEMA – PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)